Mbrëmë në Prishtinë është gjetur trupi i pajetë i një burri, saktësisht në rrugën “Musa Tolaj”.
Vdekjen e kanë konstatuar mjekët emergjent, ndërsa policia thotë se ka elemente të vdekjes natyrale.
Megjithëse, policia në koordinim me prokurorin e shtetit ka nisur një hetim mbi vdekjen.
Rastin për Klankosova.tv, e ka konfirmuar zëdhënësja e policisë për rajonin e Prishtinës, Flora Ahmeti.
“Mbrëmë rreth orës 23:30, kemi pranuar informatën për një trup të pa jetë, në rrugën “Musa Tolaj” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar se viktima, mashkull, është pa shenja jete”, tha Ahmeti.
“Mbështetur në informacionet e para, përkundër që ka elemente që sugjerojnë për vdekje natyrale, policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”.
