Ish-këshilltari i Hashim Thaçit, Adil Behramaj ka reaguar pas situatave të fundit politike në Kosovë dhe mos-certifikimin e Albin Kurtit për të garuar në zgjedhjet e 14 shkurtit, shkruan Kosova Post.
Me anë të një postimi në Facebook, Behramaj ka shkruar se se ai që do t’i prijë listës së VV-së do të jetë sipas tij “viktima” e radhës politike e kreut të kësaj partie, Albin Kurti.
“Konjufca e ka nisur fushatën publike të besnikërisë nga frika e “gijotinës” së tij. Kriter i vetëm i besnikërisë aty janë sulmet dhe kërcënimet e institucioneve shtetërore, si rrugë e duhur për Krejt dhe Drejt vetëvendosjes”, ka shkruajtur ai.
Postimi i plotë:
Ai që do t’i prijë listës së Lëvizjes Vetëvendosje do të jetë viktima e radhës politike e Albin Kurtit. Konjufca e ka nisur fushatën publike të besnikërisë nga frika e “gijotinës” së tij. Kriter i vetëm i besnikërisë aty janë sulmet dhe kërcënimet e institucioneve shtetërore, si rrugë e duhur për Krejt dhe Drejt vetëvendosjes.
Kudo në botë, ndër të tjera, institucionet ua ruajnë qytetarëve të tyre edhe njerëzillëkun. Ato nuk kanë sesi të mbrohen vetë, por duhet të mbrohen, po ashtu, nga vetë njerëzit!