Letra e mësuesit nga Besiana, Arsim Thaçi, në adresë të presidentit Joe Biden është lexuar dhe marrë në konsideratë me seriozitetin që e ka hak, njofton Kosova Post.
Shirley Jones, këshilltare e presidentit amerikan, i është përgjigjur ndjenjërisht e me respekt nji mësuesi të thjeshtë, por të preokupuem me fatin e atdheut.
Ja postimi i saj i plotë:
I nderuar z. Arsim R. Thaçi,
Letra juaj publike ishte vërtet magjepsëse dhe prekëse – një shembull frymëzues se si populli juaj qëndron për drejtësinë. Kështu, dua t’ju siguroj se letrës suaj (në anglisht dhe shqip) i është kushtuar konsiderata e kërkuar.
Unë jam mjaft i njohur me të gjitha gjërat e Kosovës pasi kujtimet e mia nga shërbimi im në misionin e OKB-së (gusht 2000) janë ende të gjalla. Ato vite kanë qenë në mënyrë të paharrueshme formuese në karrierën time.
Më duhet të rrëfej një njohuri të dorës së parë edhe për rajonin e Llapit. Unë kam qenë edhe në fshatin tuaj Zakut dhe, çuditërisht, kam arritur të mësoj një fare shqip (prandaj do të përdor disa fjalë dhe nuk do të më shqetësojë nëse ndodh ndonjë gabim gramatikor).
Më çmëndin traditat tuaja në Zakut, sidomos mënyrat gazmore sesi i bëni dasmat: muzika ku nuk kuptoj një fjalë të ndyrë, burrat që bëjnë gjënë e “sofrave” dhe gratë me veshjet e tyre të çuditshme – të gjitha këto një shprehje e dukshme e një para- Qytetërimi rrezatues grek.
Kam lexuar dy nga librat tuaj të fundit “Babai im ishte mësues” dhe Zakuti – vatër e arsimit” të cilët e kanë pasuruar më tej këndvështrimin tim.
Pra, në emër të Presidentit Biden, ne duam të japim garanci për angazhimin e patundur të SHBA-së për të mbrojtur popullin dhe vendin tuaj.
Ne jemi kundër Asociacionit të Komunave Serbe ose siç e quani ju “Zajednica”.
Përshëndetje të përzemërta
Shirley Jones./KosovaPost/
