Koalicioni AAK – NISMA – KONSERVATORËT – FORUMI INTELEKTUAL E30 – IDEAL kanë mbajtur tubim zgjedhor në Kamenicë.
Kandidati për kryeministër, Ramush Haradinaj para qytetarëve të Kamenicës duke shpalosur programin zgjedhor 2025-2029, tha se ndër pikat kryesore të programit të Aleancës është siguria e plotë dhe anëtarësimi direkt në NATO.
“Unë i di brengat e kësaj treve, shumë nga kandidatët i njoh dhe rrugëtoj me ta. Nuk është pa qëllim që në këtë kohë emri i Koalicionit është për Kosovën fituese. Ne e dimë me i sjellë Kosovës fitore edhe kur të tjerët e humbin besimin. Kosovës po ja sjellim fitoren e ajo drejtë anëtarësimit në NATO e BE që e kthen Kosovës drejtë zhvillimit ekonomik. Po ashtu, do të zgjedhim çështjen e sigurisë së energjisë. Nuk do të këtë paga në sektorin publik nën 1000 dhe pensione nën 500 euro. Sigurimet shëndetësore do të mbyllen një herë e mirë”, tha ai.
Kryetari i Nismës nga ky koalicion, Fatmir Limaj theksoi se vizioni i koalicionit është për një Kosovë fituese për të gjithë.
“Kosova ka nevojë për bashkimin e energjive të personave racional, ka nevojë për profesionist. Normaliteti ekonomik vjen nëse udhëhiqet nga këta persona e ekip që kanë përvojë në shërbim të vendit. Jemi në këtë vend strategjik dhe Kosova fituese bëhet vetëm përmes veprave, jemi bashkë me vizionin që të fitoj e gjithë Kosova. Votimi nuk është vetëm një letër, ato janë për të përcaktuar për mirëqenie më të mirë e zhvillimin ekonomik. Në listën tonë fituese janë bashkuar të gjitha profesionet për një Kosovë fituese”, theksoi ai.
Kryetari i degës së AAK-së në Kamenicë, njëherësh kandidat për deputet, Faton Jakupi ftoj qytetarët e Kamenicës që të bashkohen vizionit për një Kosovë demokratike dhe të qëndrueshëm ekonomik.
“Sot jemi mbledhur këtu për të forcuar besimin tonë për një vizion, për një udhëheqje të përgjegjshëm. Vetëm nga masat e BE-së, Kosova ka humbur miliona euro e ne do të jemi partnerë më aleatët tanë. Ne do të jemi partnerë të strategjisë së energjisë. Ju lusë që të mbështetni këtë vizion në rrugëtimin tonë”, shtoi ai.
Kolaicioni për Kosovën fituese prezantoje edhe kandidatet për deputetë nga ky koalicion.
