Ministri në detyrë i Punëve të Jashtme, Glauk Konjufca në Romë, në takimin e Ministrave të Punëve të Jashtme të grupit “Friends of the Western Balkans”, theksoi se zgjerimi i Bashkimit Evropian nuk është vetëm një proces institucional, por një investim strategjik në sigurinë, qëndrueshmërinë dhe unitetin e kontinentit tonë.
“Kosova mbetet e përkushtuar ndaj reformave, forcimit të institucioneve demokratike dhe bashkëpunimit rajonal. Një proces zgjerimi i bazuar në merita i shërben jo vetëm vendeve aspiruese, por edhe vetë të ardhmes së Evropës. Falënderoj Zëvendëskryeministrin dhe Ministrin e Punëve të Jashtme dhe Bashkëpunimit Ndërkombëtar të Italisë, Antonio Tajani, për mikpritjen dhe angazhimin e vazhdueshëm të Italisë në mbështetje të perspektivës evropiane të Ballkanit Perëndimor dhe Kosovës në veçanti”, ka shkruar ai në Facebook”, përcjell KosovaPost.
