Presidenti rus Vladimir Putin i ka mohuar lajmet se i ka lëshuar qenin e tij, labradorin e zi Koni, për të frikësuar kancelaren gjermane Angela Merkel në një takim në 2007, që nga ajo kohë u cilësua thjesht si një incident qesharak diplomatik.
Merkel shkruan në librin e saj të kujtimeve, “Liria” se dikur Putini, i njohur për adhurimin e pasionin e tij për kafshët, teksa ishin në një takim së bashku, i kërkoi ekipit të sigurimit të këtij të fundit, që të mos i sillte me vete qentë, sidomos Konin, sepse ajo kishte frikë prej tij, shkruan A2.
Kur të dy u takuan në Moskë në vitin 2006, ajo thotë se Putini, e respektoi kërkesën e saj por erdhi me një qen tjetër, që sipas shefit të Kremlinit, nuk kafshonte, shkruan a2cnn. Por vitin pasues, kur u takuan në Soci, në dhomë hyri qeni i madh, siç duket edhe në pamje. Por Putini argumentoi se për asnjë moment, nuk ishte në dijeni të fobisë së Merkel nga qentë dhe i kërkoi ndjesë më vonë.
