Ministri në detyrë i Mbrojtjes, Ejup Maqedonci ka zhvilluar sot një takim virtual me shefen e operacioneve aktuale, nga Divizioni për Operacione e Shtabit të Përgjithshëm të NATO-s, Ariella Viehe, përcjell KosovaPost.
Në këtë takim, shefja e operacioneve në NATO, Viehe u njoftua lidhur me zhvillimet aktuale në Ministrinë e Mbrojtjes dhe në Forcën e Sigurisë së Kosovës, si dhe me planet strategjike për të ardhmen.
“Theksova që si ministri do të vazhdojmë me përkushtim koordinimin e ngushtë me KFOR dhe Ekipin Këshillues dhe Ndërlidhës të NATO-s (NALT), dhe mirëprita bashkëpunimin e mëtejshëm me NALT, me synim rritjen e mbikëqyrjes civile dhe ngritjen e kapaciteteve profesionale të FSK-së, në mënyrë që vendi ynë dhe FSK të vazhdoj edhe më fuqishëm të jap kontribut në ruajtjen e stabilitetit dhe paqes, e për këtë po angazhohemi çdo ditë. Kosova drejt NATO-s!”, ka shkruar Maqedonci në Facebook.
