Nxënësit tanë morën pjesë në Panairin e 4-të të Shkencës Maarif, mbajtur më 22 shkurt në Librevil, Gabon, duke përfaqësuar International Maarif Schools of Kosova dhe vendin tonë me krenari! Shkolla jonë u përfaqësua nga znj. Flora Hajdarmataj dhe nxënësit e talentuar Abdurrahim Esmer dhe Salih Emin Tural, të cilët spikatën në kategorinë e Inteligjencës Artificiale me projektin inovativ ORLIC.AI!
Pjesëmarrja në një pritje të organizuar nga Ministrja e Arsimit Kombëtar e Gabonit, Camélia Ntoutoume Leclercq, për të nderuar 105 nxënës dhe edukatorë nga 17 vende.
Nxënësit tanë morën pjesë në një punëtori mbi integrimin e gjuhëve kombëtare në sistemin arsimor, e organizuar nga Ministria e Arsimit Kombëtar dhe Edukimit Qytetar e Gabonit, në kuadër të Ditës Ndërkombëtare të Gjuhës Amtare.
Pjesëmarrja në ceremoninë e ndarjes së çmimeve, e nderuar me praninë e Dr. Mehmet Cangir (Anëtar i Bordit të Fondacionit Maarif), Ambasadorit të Turqisë në Librevil, Can İncesu, Ministres së Arsimit të Gabonit dhe Ministrit të Komunikimit, të cilët përgëzuan nxënësit për arritjet e tyre dhe theksuan rëndësinë e bashkëpunimit ndërkombëtar në shkencë dhe arsim.
Ky aktivitet u organizua nën kujdesin e Fondacionit Maarif dhe Shkolla turko-gaboneze Maarif.
