Presidentja e Kosovës, Vjosa Osmani, përgjatë qëndrimit të saj në Uashington, është takuar edhe me ish-kryetaren e Dhomës së Përfaqësuesve të ShBA-së, Nancy Pelosi.
Në një fotografi të përbashkët në X, Osmani e ka quajtur Pelosin mike të vërtetë të popullit të Kosovës.
“Është gjithmonë kënaqësi të diskutosh vlerat e përbashkëta që bashkojnë Kosovën dhe Shtetet e Bashkuara”, ka shkruar Osmani.
Osmani përndryshe është duke qëndruar në Uashington për Samitin e NATO-s, duke qenë pjesë e disa nga aktiviteteve të ngjarjes. 
