Policia e Kosovës ka njoftuar se, me rastin e kalimit transit nëpër Kosovë të Presidentit të Republikës së Shqipërisë, Bajram Begaj, ka ndërmarrë veprimet e nevojshme operative duke angazhuar njësitë përkatëse policore për ofrimin e sigurisë dhe rrjedhës së lirë të komunikacionit.
Për të mundësuar qarkullim të lirë sipas itinerarit të lëvizjes, më datën 08.07.2026, Policia e Kosovës do të bëjë ndërprerje të përkohshme të qarkullimit të trafikut, në intervale të shkurtra kohore, në disa segmente rrugore nga Pika e Kalimit Kufitar Vërmicë deri në Pikën e Kalimit Kufitar Dheu i Bardhë dhe anasjelltas gjatë kthimit, po ashtu në të njëjtën datë.
Gjatë kësaj kohe mund të ketë edhe riorientim të trafikut në rrugë alternative.
Policia e Kosovës falënderon paraprakisht të gjithë qytetarët dhe pjesëmarrësit e trafikut rrugor për mirëkuptim të plotë.
