Provinca kanadeze e Ontarios do të pezullojë përkohësisht planin e saj për taksën 25% për energjinë elektrike që dërgon në shtetet veriore të SHBA-së, njoftoi kryeministri Doug Ford.
Ky vendim vjen pasi Presidenti i SHBA Donald Trump kishte thënë se do të dyfishonte tarifat për çelikun dhe aluminin kanadez nga 25% në 50% si përgjigje. Sipas Ford, negociatat midis provincës së tij dhe administratës Trump janë duke vazhduar, me Sekretarin e Tregtisë së SHBA-së, Howard Lutnick, duke ftuar Fordin në Uashington.
Pas asaj pauze nga Ford, Trump u thotë gazetarëve se po shqyrton vendimin për tarifat për çelikun dhe aluminin kanadez. Më parë, Shtëpia e Bardhë e kishte quajtur një kërcënim të veçantë nga Ontario për të ndërprerë eksportet e energjisë elektrike në 1.5 milionë shtëpi amerikane.
Trump tha se tarifat do të fillojnë të mërkurën, duke shtuar se ai do të shpallë “një emergjencë kombëtare për energjinë elektrike” në ato shtete.
Përshkallëzimi i fundit vjen pas ditës më të keqe të vitit 2025 për tregjet amerikane, e nxitur nga frika e tarifave agresive të Presidentit Trump ndaj partnerëve më të mëdhenj tregtarë të Amerikës.
