Presidenti i Serbisë, Aleksandar Vuçiq, i cili po qëndron në Kotorr, ku po mbahet samiti i liderëve të Ballkanit Perëndimor dhe atyre të BE-së, lidhur me njoftimin se Kosova po synon ta hartojë një draft-statut për themelimin e Asociacionit, tha se “është mashtrim tjetër dhe një përpjekje joserioze”.
Ai për mediet serbe tha se ky është një “truk tjetër i kryeministrit Kurti dhe, siç tha ai, lobistët e tjerë, teksa shtoi se Kosova nuk mund ta bëjë një draft-statut të tillë pa pajtimin e shtetit fqinj.
“Ky është një truk tjetër që Albin Kurti dhe ndihmësit e tij, përfshirë Gerald Knaus dhe të gjithë lobistët e tjerë të tyre, po e bëjnë së bashku. Ata vetë thonë se tekstin e tyre do ta dorëzojnë deri në fund të majit. Dhe kush jeni ju që do të dërgoni tekstin tuaj? Në marrëveshjen e Brukselit është mjaft e qartë se këtë duhet ta bëjë menaxhmenti i Serbisë ose nëse jemi dakord, siç jemi dakorduar kontekstualisht, konceptualisht dhe në parim, që të jetë teksti i dorëzuar nga BE-ja – çfarë duhet të bëjnë ata? me të dhe çfarë kanë për të ofruar ndonjë gjë”, tha Vuçiq.
Ai, më tej tha se anglezët po u bëjnë presion të gjithë të tjerëve që ta pranojnë anëtarësimin e Kosovës në Këshillin e Evropës./rtk
