Sulmet brutale dhe shkatërruese të Izraelit në Rripin e Gazës së bllokuar vazhdojnë pandërprerë ndërsa “kriza humanitare” po thellohet në rajon për shkak të embargos së plotë, raporton Anadolu, transmeton KosovaPost.
Organizatat bamirëse shpërndanë vakte të ngrohta ushqimi për palestinezët e zhvendosur në qytetin Khan Younis në jug të Rripit të Gazës.
Një numër i madh palestinezësh, përfshirë edhe fëmijë krijuan grumbullime për të marrë ushqim.
Ushtria izraelite rifilloi sulmet e saj të dhunshme mëngjesin e 18 marsit, pas armëpushimit që hyri në fuqi më 19 janar në Rripin e Gazës. Prej më shumë se dy muajsh Izraeli nuk lejon hyrjen e ndihmave humanitare në Gaza.
Në sulmet e Izraelit në Rripin e Gazës që nga 7 tetori i vitit 2023, numri i palestinezëve të vrarë është rritur në 52.418 ndërsa numri i të plagosurve në 118.091.
