Gjykata Themelore në Prishtinë do t’i drejtohet Gjykatës Supreme për të kërkuar opinion nëse në rastin “Banjska” mund të aplikohet gjykimi në mungesë.
Kështu bëri të ditur gjyqtari Arben Hoti pas veçimit të procedurës ndaj tre të akuzuarve Blagoje Spasojeviq, Vladimir Toliq dhe Dushan Maksimoviq, të cilët gjendnen nën masën e paraburgimit, raporton “Betimi për Drejtësi“.
Paraprakisht, prokurori special Naim Abazi propozoi që gjykimi të zhvillohet në mungesë, me arsyetimin se në dispozitivat e aktakuzës është përfshirë “Vrasja e rëndë”, e që si vepër penale parashihet për gjykimin në mungesë.
Ndërkaq, edhe përfaqësuesi i palës së dëmtuar (familjes Bunjaku), avokati Arianit Koci, propozoi që të shikohet mundësia që Gjykata t’i drejtohet Supremes për opinion për të vazhduar gjykimin në mungesë.
Ndërsa, pasi u veçua lënda për tre të akuzuarit, gjykatësi Hoti tha se kjo po bëhet me qëllim që të mos zvarritet procedura. Tha e pas pranimit të opinionit të Gjykatës Supreme, do të shihet mundësia e bashkimit të procedurës me të akuzuarit tjerë.
