Për sot ishte planifikuar që të takohen ballë për ballë në Stamboll, presidenti ukrainas Volodymyr Zelensky dhe homologu rus Vladimir Putin.
Megjithatë në bisedimet për paqe në Turqi, është bërë e ditur se Putin nuk do të marrë pjesë.
E me këtë veprim të liderit rus duket se nuk është befasuar presidenti amerikan Donald Trump.
Duke iu përgjigjur pyetje për mos-shfaqjen e Putinit, Trump tha: “Pse do të shkonte nëse nuk shkoj unë”.
“Nuk mendoj se ishte e mundur që të shkoj nëse unë nuk jam atje. Do të shkoja në Turqi për negociatat Ukrainë-Rusi të premten, nëse do të ishte e përshtatshme”, shtoi presidenti amerikan.
