Presidenti i SHBA-së, Donald Trump, ka urdhëruar de-klasifikimin e të gjitha dosjeve qeveritare në lidhje me vrasjet e ish-presidentit John F. Kennedy, senatorit Robert F. Kennedy dhe ikonës së të drejtave civile Martin Luther King Jr., transmeton Anadolu.
“Kjo është një gjë e madhe, apo? Shumë njerëz e kanë pritur këtë për vite, për dekada”, tha Trump derisa nënshkroi urdhrin në Zyrën Ovale, duke shtuar se “gjithçka do të zbulohet”.
Trump udhëzoi një ndihmës që të sigurohej që të sigurohej që stilolapsi me të cilin ai nënshkroi urdhrin t’i jepet Robert F. Kennedy Jr., një ish-rivali politik i cili u largua nga gara presidenciale dhe mbështeti Trumpin dhe tani është zgjedhur për të udhëhequr Departamentin e Shëndetit dhe Shërbimeve Njerëzore.
Urdhri i Trumpit thotë se ai ka përcaktuar se publikimi i dokumenteve qeveritare që kanë të bëjnë me vrasjen e tre burrave, të gjitha të ndodhura më shumë se 60 vite më parë, është në “interesin publik”.
