Ministri në detyrë për Punë, Familje dhe Vlerat e Luftës Çlirimtare, Andin Hoti, ka bërë thirrje për pjesëmarrje në “Marshin për Liri”, i cili do të mbahet të shtunën në Prishtinë, përcjell KosovaPost.
Hoti ka thënë se historia e luftës çlirimtare nuk mund të rishkruhet, duke theksuar rolin e Ushtrisë Çlirimtare të Kosovës në lirinë dhe shtetësinë e Kosovës.
“Për popullin e Kosovës, UÇK-ja është themeli i lirisë dhe i shtetit tonë. Verdikti i historisë për të është dhënë më 12 qershor 1999 dhe është vulosur më 17 shkurt 2008”, ka shkruar Hoti.
Ai ka ftuar qytetarët që t’i bashkohen “Marshit për Liri”, për lirinë, drejtësinë dhe të vërtetën e luftës së UÇK-së.
“Bashkë, në Marshin për Liri!”, ka përfunduar Hoti.
