Më 26 tetor të vitit të kaluar në mbledhjen e Qeverisë është miratuar draft strategjia kombëtare për menaxhimin e qenve endacak me ose pa pronar për periudhën kohore 2022-2028.
Në lidhje me këtë Agjencia e Ushqimit dhe Veterinës ka filluar projektin e identifikimit dhe regjistrimit të qenve.
Në një prononcim për Insajderin, zëdhënësi i kësaj Agjencie, Lamir Thaçi ka deklaruar se deri me tani “ janë regjistruar vetëm qentë endacak nga komuna e Prishtinës, ku gjithsej të regjistruar janë 10 mijë e 105 të tillë”.
Ndërkaq, sipas Thaçit numri i regjistrimeve të qenve me pronarë është shumë më i vogël se kaq.
“Nga fillimi i projektit deri me tani në Sistemin e Identifikimit dhe Regjistrimit janë regjistruar gjithsej 4660 qen me pronarë. Të gjithë pronaret kanë përfituar shërbimet e vendosjes se çipit dhe pasaportën pa pagesë”, ka deklaruar ai.
Ku sipas tij regjistrimi i këtyre qenve është parakusht për mos shumimin e tyre.
“Regjistrimi i qenve me pronare është një parakusht qe pengon shumimin e qenve endacak. Qenet me pronar janë vlerësuar si burim i shumimit të qenve endacak. Kur të kryhet identifikimi dhe regjistrimi ne do të dimë saktë numrin e tyre”, ka shtuar ai.
Ndërsa, sterilizimi dhe kastrimi i tyre edhe është në shifra akoma më të vogla.
“Deri me tani janë trajtuar -kastrim /sterilizim 99 qene me pronare nga veterinaret e kontraktuar, projekti është në vazhdim”, ka përfunduar Thaçi.
Kujtojmë se kryetari i Prishtinës, Perparim Rama, në mars të këtij viti kishte deklaruar se Qendra për Trajtimin e Qenve endcak është në fazën e fundit.
Rama është zotuar se në përfundim të këtij projekti të gjithë qentë endacak të identifikuar në territorin e kryeqytetit do të trajtohen – vaksinohen, shërohen dhe kastrohen/sterilizohen në këtë qendër.
Por, edhe pse Kurti dhe Rama gjatë kohës së fushatës zgjedhore kishin premtuar se do t’i gjendet një zgjidhje kësaj çështje, qytetarët akoma vazhdojnë të vuajnë nga trembjet dhe sulmet e qenve endacak por edhe të atyre me pronar, shkruarn Insajderi.