Kryetari i Kuvendit, Glauk Konjufca me dhimbje kujton tragjedinë ajrore në SHBA, ku një aeroplan me pasagjerë u përplas me një helikopter ushtarak, ku sipas raportimeve te deritanishme një numër i madh pasagjerësh kanë humbur jetën.
E për këtë tragjedi, Konjufca thekson se është pikëlluese humbja e disa dhjetëra jetëve në aksidentin ajror.
“Është shumë pikëlluese dhe e dhimbshme humbja e disa dhjetëra jetëve në aksidentin ajror që ka ndodhur në Shtetet e Bashkuara të Amerikës, në Uashington DC. Ngushëllime të sinqerta për të gjithë ata që kanë humbur personat e tyre të dashur, për aleatin tonë SHBA-në dhe për të gjithë popullin amerikan”, ka shkruar Konjufca në postimin në Facebook.
