Një burrë dhe një grua janë arrestuar nga Policia e Kosovës, pasi që të njëjtit dyshohet se kanë rrahur një djalë të mitur.
I mituri si pasojë e plagëve të marra ka pranuar tretman mjekësor, derisa rasti në Policinë e Kosovës është cilësuar “Lëndim i lehtë trupor”.
Në raportin 24-orësh të PK-së është bërë e ditur se ngjarja ka ndodhur pasditen e djeshme në Pejë.
Lidhur me rastin, i dyshuari është dërguar në mbajtje, ndërsa e dyshuara është liruar në procedurë të rregullt.
“Pejë 09.04.2023 – 16:30. Janë arrestuar një mashkull dhe një femër kosovarë, pasi që dyshohet se kanë rrahur viktimën mashkull kosovar i mitur. Viktima ka pranuar tretman mjekësor. Me vendim të prokurorit i dyshuari është dërguar në mbajtje, ndërsa e dyshuara është liruar në procedurë të rregullt”, thuhet në raportin e PK-së.
