Anëtari i PDK-së, Bekim Haxhiu ka konfirmuar se nuk do të jetë deputet i legjislacionit të ri të Republikës së Kosovës, pasi mbi 18 mijë vota që i mori nuk janë të mjaftueshme.
Haxhiu ka thënë se do të vazhdojë të jetë aktiv dhe të japë kontributin e tij në Partinë Demokratike të Kosovës.
“Faleminderit që më besuat për pesë mandate si përfaqësuesi juaj në kuvend, i vlerësuar edhe nga organizatat monitoruese të kuvendit si deputeti më aktiv i PDK-së dhe ajo që është me rëndësi raporti im me qytetarët, nuk kam as një thirrje të humbur nga qytetarët.
Megjithatë, nuk u vlerësova mjaftueshëm për mandatin e radhës. Unë do të vazhdoj të jem aktiv dhe do të jap kontributin tim në PDK dhe nuk do të ndalem së bashkëpunuari në rrafshin profesional me kolegët e mi për të realizuar synimet dhe obligimet që kemi karrshi qytetarëve dhe liderëve tanë që po mbahen padrejtësisht në Hagë.
Ju falënderoj nga zemra 18,561 herë”, ka shkruar Haxhiu.
