Kjo është nëna heroinë, Lejla Zalihiq, e cila shpëtoi vajzën e saj 13-vjeçare nga vërshimet në Bosnjë Hercegovinë
Kjo është Nëna heroike, Lejla Zalihiq e cila u hodh nga kati i tretë i shtëpisë së saj, dhe notoi mbi tri kilometra nëpër përrua dhe shpëtoi vajzën e saj 13 vjeqare gjatë përmbytjeve katastrofike që goditën një pjesë të Bosnjë-Hercegovinës dy natë më parë dhe shkaktuan dëme të mëdha dhe ku humbën jetën së paku 16 persona dhe dhjetëra të tjerë ende të pagjetur, përcjell Kosova Post.
Historia e Lejla Zalihiqit nga Buturoviq Polje afër Konjiqit dhe lufta e saj për jetë është mbresëlënëse.
Ajo i shpëtoi jetën vajzës së saj ashtu siç munden vetëm heroinat.
Vajza e saj 13-vjeçare ra në përrua, e cila e çoi atë mbi tre kilometra larg. Lejla është hedhur nga kati i tretë i shtëpisë, dhe ka notuar ku ka arritur të shpëtojë vajzën e saj.
E ndjemë kur shtëpia është lëkundur fort një herë, pastaj herën e dytë, dhe herën e tretë u shemb dhe u shembëm bashkë me të. Mbaj mend që kam dëgjuar britmat e burrit, vjehrrës dhe vajzës sime dhe ende jam e hutuar – tha Zalihiq për “Avaz”.
Ajo ishte e vetëdijshme, thotë ajo, se nuk ishte në dijeni për familje. Ajo nuk e dinte se ku po lundronte, ajo ishte e ‘rrahur’ mbeturinat e lumit.
Vajza ime vuri re zërin tim dhe filloi të më thërriste. Nuk arrija dot tek ajo për shkak të drurëve, gjërave, pajisjeve shtëpiake. I shtyva, u zhyta poshtë tyre, kalova sipër tyre, e pastrova terrenin për të arritur tek ajo. Kur e gjeta, e tërhoqa zvarrë, ishte shumë vështirë, çizmet dhe rrobat e mia ishin rënduar, por arritëm të arrijmë në breg ku u ulëm për një orë e gjysmë. Ne po përpiqeshim të kuptonim se çfarë po ndodh, nuk dinim në cilin drejtim të shkonim – tha Zalihiq.
Pastaj panë një burrë në ujë, i cili notonte mbi një dru. Ajo i thirri atij që të merrte një pemë më të hollë dhe të shtyhej në breg dhe ai arriti t’i arrinte.
Më pas dolëm të tre nëpër breg, duke u munduar të shkonim në shtëpinë e parë që nuk ishte e përmbytur, që të ndërronim rrobat dhe të vinim në vete se ishim të lagur, me baltë, të rrahur, pa këpucë. Nuk i mbaj mend të gjitha detajet, jam ende e trullosur, e di që arritëm në një shtëpi ku erdhi policia dhe mbrojtja civile dhe na dërguan në urgjencë – tha Zalihiq.
Ajo nuk dinte asgjë për burrin e saj, më vonë i thanë se ishte gjallë. Megjithatë, vjehrra e saj ende nuk është gjetur.
Siç mësojmë, nëna është shtruar në spital, ndërsa vajza është në gjendje më të mirë.
