Qendra Kombëtare për Menaxhim Kufitar ka publikuar të dhënat e fundit mbi fluksin në pikat e kalimit kufitar të Kosovës.
Sipas të dhënave të përditësuara në orën 22:16, pritjet më të gjata janë regjistruar në Muçibabë, ku automjetet presin deri në 90 minuta në dalje, ndërsa kolona arrin në një kilometër. Në hyrje, pritjet janë nga pesë deri në 10 minuta dhe nuk ka kolonë.
Në Han të Elezit, pritjet në hyrje janë nga 10 deri në 15 minuta, me kolonë prej 150 metrash, ndërsa në dalje pritet nga pesë deri në 10 minuta dhe kolona është 100 metra.
Në Merdarë, pritjet janë nga tre deri në pesë minuta, ndërsa në dalje është regjistruar kolonë prej 150 metrash.
Në Dheun e Bardhë, pritjet për automjete janë nga pesë deri në 10 minuta në hyrje dhe dalje, pa kolona.
Në pikat e tjera kufitare, pritjet për automjete janë kryesisht nga tre deri në pesë minuta dhe nuk ka kolona. Për kamionët, pritjet në të gjitha pikat janë nga tre deri në pesë minuta, pa kolona.
