Më 12 dhjetor, pas mesnate, kryeministri Albin Kurti e pati prezantuar Edona Llalloshin, se prurjen e re të partisë së tij, raporton Gazeta Sinjali.
“Ajo është pjesë e listës sonë për fitoren e madhe. Me Edonën do të jemi edhe më të përkushtuar ndaj artit e kulturës”, shkruante Kurti.
Që nga ajo kohë, Llalloshi, “ditë per ditë” së bashku me Kurtin – ka vazhduar fushatën për zgjedhjet parlamentare në gjithë Kosovën.
Në tubimet paraelektorale, ajo kryesisht ka argëtuar militantët – pa dhënë ndonjë premtim konkret se çfarë do të bëjë nëse zgjidhet deputete.
Por, duket se ky fakt nuk ju ka bërë shumë përshtypje votuesve të saj, të cilët kanë votuar për këngëtaren e famshme rreth 27 mijë herë, sipas numërimit të rreth 78% e vendvotimeve.
Mbetët të shihet, nëse Llalloshi “do ta laj borxhin” ndaj votuesve të saj – kur të nisë punën si deputete e legjislaturë së nëntë, pasi sipas votave të deritanishme – duket se e ka fituar një vend në Kuvendin e Kosovës.
