Dogana e Kosovës ka konfiskuar 1 mijë e 108 goma, të cilat një kompani emri i së cilës nuk është bërë i ditur ka tentuar t’i fus në Kosovë përmes një mashtrimi, transmeton KosovaPost.
Ndaj kompanisë sipas një njoftimi të Doganës janë iniciuar procedurat kundërvajtese.
“Dogana e Kosovës ka zbuluar një përpjekje interesante mashtrimi. Një kompani ka tentuar të fshehë gati gjysmën e gomave të importuara duke i futur brenda njëra-tjetrës, me qëllim që të paraqesë një sasi më të vogël. Sasia e fshehur e gomave ështe 1108 cope. Dogana ka konfiskuar produktet si dhe ka inicuar procedurat kundervajtese ndaj kompanise. Vlera e perafert eshte mbi 40000 mije euro.”, ka njoftuar Dogana.
Në komunikatë thuhet se kontrabanda dhe deklarimi i rremë dëmtojnë tregtinë e ndershme dhe të hyrat shtetërore.
“Dogana mbetet e përkushtuar në garantimin e transparencës dhe zbatimin e ligjit. Ne do të mbrojmë të hyrat dhe konkurencën e drejtë dhe tolerancë për shkelësit e ligjit nuk do të ketë!”, ka bërë të ditur Dogana.
