Transferimi i 5 herë fituesit të “Topit të Artë”, Cristiano Ronaldo te arabët e Al-Nassr, padyshim që ishte një ndër transferimet më të bujshme, në historinë e futbollit.
Mbi këtë temë ka folur dhe ish-fantazisti brazilian, Kaka, ku është shprehur i bindur se Ronaldo do të tërhiqet nga futbolli duke luajtur.
“Unë mendoj se ai dëshiron të tërhiqet nga futbolli duke luajtur. Unë e kuptoj atë, ai është një lojtar i veçantë.
Lojtarët si ai sjellin një koncept të thjeshtë në ekip. Fitorja dhe humbja nuk janë e njëjta gjë. Kam një ndjenjë që shumë lojtarë të rinj nuk e kuptojnë atë. Ata besojnë se nëse fitojnë, atëherë është mirë, dhe nëse nuk e bëjnë, atëherë nuk ka rëndësi.
Nuk është aspak kështu. Maldini ishte një shembull i përsosur për këtë. Ai e fitoi Champions League 4 herë dhe donte ta fitonte për herë të pestë. Lojtarë si ai bëjnë diferencën, Zlatan mund të jetë ende i dobishëm me mentalitetin e tij”,- tha në një intervistë ish- mesfushori i Milanit.
