Situata në të gjitha pikat kufitare të Kosovës paraqitet e qetë, ndërsa qytetarët po kalojnë kufirin pa pritje të gjata.
Sipas të dhënave të fundit të Qendrës Kombëtare për Menaxhim Kufitar, në hyrje dhe dalje të vendit nuk janë raportuar kolona automjetesh, ndërsa pritjet janë minimale ose nuk ka fare vonesa.
Qarkullimi po zhvillohet normalisht në të gjitha pikat kufitare, duke u mundësuar udhëtarëve kalim të shpejtë dhe pa pengesa.
Megjithatë, autoritetet bëjnë të ditur se situata mund të ndryshojë gjatë orëve në vijim për shkak të fluksit të shtuar të mërgimtarëve dhe sezonit veror.
Zakonisht, kolonat fillojnë të krijohen gjatë paradites dhe në orët e mesditës, kur rritet ndjeshëm numri i automjeteve që hyjnë dhe dalin nga vendi.
