Një luftë tregtare e paprecedentë midis dy superfuqive më të mëdha ekonomike në botë duket se po përshkallëzohet. Presidenti Donald Trump është shprehur optimist se të dy vendet do të arrijnë një marrëveshje, derisa Kina ka rritur tarifat për importet amerikane nga 84 në 125%.
Udhëheqësi kinez Xi Jinping ka thënë se kombi i tij “nuk kishte frikë” në komentin e tij të parë publik mbi luftën tregtare. Por përpjekjet diplomatike po përballen me sfida.
Aksionet globale pësuan rënie pasi Shtëpia e Bardhë sqaroi se tarifa e saj për mallrat kineze ishte të paktën 145%.. Trump pranoi se mund të ketë “probleme tranzicioni” me politikat e tij, por tha se ekipi i tij po punonte me partnerët për marrëveshjet tregtare.
Presidenti i Kinës Xi Jinping i bëri thirrje BE-së që t’i bashkohet Pekinit për të kundërshtuar provokimet nga SHBA mbi tarifat. “Nuk ka fitues në një luftë tarifash,” tha Jingping. Kina ka njoftuar një tarifë të re prej 125% për importet amerikane. Kjo është rritur nga 84% e shpallur të mërkurën.
Donald Trump ka thene se ai ende shpreson të sigurojë një marrëveshje me Pekinin, duke thënë se ata “do të përfundojnë të punojnë diçka që është shumë e mirë për të dy vendet”.
Ndërkohë ari është rritur në një nivel rekord pasi investitorët dynden drejt aseteve të sigurta. Ne anën tjetër stoqet evropiane kanë një fillim pozitiv, por shumë tregje aziatike janë në rënie për shkak të pasigurisë së tarifave Pasiguria ekonomike globale ka shtyrë sërish investitorët të shesin aksione dhe obligacione në të njëjtën kohë ? një fenomen i rrallë dhe shqetësues.
Tregu i aksioneve në SHBA, pas një rimëkëmbjeje të shkurtër po zhytet përsëri në realitet dhe tregu për thesaret e SHBA po shfaq përsëri shenja shqetësimi pas një pushimi të shkurtër.
Tarifat e Trump do t’i kushtojnë familjes tipike të klasës së mesme 3,443 dollarë në vit, tregoi një hulumtim, me amerikanët me të ardhura më të ulëta që do të goditen më shumë si pjesë e të ardhurave të tyre totale./rtk
