Kohëve të fundit, në Mal të Zi kanë filluar përplasjet mes presidentit Milatoviq dhe kryeministrit Spajiq.
Arsyeja e përplasjeve sipas presidentit malazez, MIlatoviq, është fryerja e administratës së lartë shtetërore që ka nisur me reformatimin e qeverisë, në përbërje të së cilës janë 32 ministra, 7 zëvendëskryeministra 35, këshilltarë e 4 nënkryetarë parlamenti.
“Nuk ka dyshim se shumica parlamentare është mbledhur për shkak të kolltuqeve, e gjitha në kurriz të qytetarëve”, tha presidenti i Malit të Zi, Jakov Milatoviq, teksa shtoi se mbi 140 zyrtarë të lartë shtetërorë janë vetëm në Qeverinë dhe Parlamentin e Malit të Zi, njofton RTCG.
Përplasja mes tyre ka vazhduar edhe me ftesën për takim të Këshillit të Sigurisë Kombëtare për datën 20 gusht, derisa kryeministri malazias, Spajiq, ka kërkuar shtyrjen në afat tjetër të kësaj mbledhjeje. Nga zyra për Informim e Kryeministrisë malaziase njoftojnë se kryeministri Spajiq “do të vijë në seancën e Këshillit në një kohë të dakorduar reciprokisht.”
Ndërkaq presidenti Milatoviq, përmes platformës sociale ‘X’, ka reaguar duke thënë se “për këtë nuk votuan qytetarët e Malit të Zi, që donin ndryshime”.
