Sot në ditën e dytë të ‘Epopesë së UÇK- së’, krerët e shtetit, Kryeministri Albiin Kurti, Presidentja Vjosa Osmani e Kryekuvendari Glauk Konjufca kanë bërë homazhe në Prekaz në nderim të Familjes Jashari dhe të dëshmorëve tjerë që u saktifikuan për lirinë të cilën të gjithë ne po e gëzojmë sot, shkruan Kosova Post.
Pas homazheve në kompleksin e varrezave, krerët e shtetit ia mësyen konakut të familjes Jashari aty ku u pritën me ngrohtësi dhe dashamirësi nga kryefamiljari Baca Rifat Jashari.
Ishte një pritje e këndshme dhe falënderuese për krerët e shtetit që nuk harrojnë të jenë krah familjes në këtë ditë të rëndëshme për të gjithë.
Por, ajo që ishte tepër mbresëlënëse dhe për tu vlerësuar lartë është fakti se familja Jashari respektojnë dinjitetshëm Muajin e Ramazanit, muajin e agjërimit e të zbritjes së Kur’ anit në tokë.
Pra pritja ishte e veçantë për krerët e shtetit, por ajo që ra në sy ishte se në tavolina nuk u shërbye as edhe një pije, kjo në respektim të Ramazanit.
Respekt dhe mirenjohje për këtë familje patriotike e me vyrtyte të larta kombëtare e fetare.
