Është caktuar masa e paraburgimit për të pandehuren Y.B për veprën penale Rrezikim i trafikut publik, transmeton KosovaPost.
Gjykata Themelore në Prishtinë, Departamenti i Përgjithshëm ka vendosur lidhur me kërkesën e Prokurorisë Themelorë në Prishtinë për caktimin e masës së paraburgimit kundër veprës penale Rrezikim i trafikut publik.
Të pandehurës Y.B i është caktuar masa e paraburgimit në kohëzgjatje prej një muaji.
Ajo dyshohet se më 26 shkurt 2024, në rrugën “Agim Ramadani”, ka shkaktuar aksidentin ku mbeti i vdekur këmbësori Sh.H (26-vjeçar).
Komunikata e plotë:
Gjykata Themelore në Prishtinë, Departamenti i Përgjithshëm Penal ka vendosur lidhur me kërkesën e Prokurorisë Themelore në Prishtin֝ë, për caktimin e masës së paraburgimit kundër të pandehures Y.B për shkak të veprës penale Rrezikimi i trafikut publik nga neni 370 paragrafi 9 lidhur me paragrafin 6 dhe 1, të Kodit Penal të Republikës së Kosovës.
Gjyqtari i procedurës paraprake ka aprovuar si të bazuar kërkesën e Prokurorisë Themelore në Prishtin֝ë për caktimin e masës së paraburgimit, kundër të pandehures Y.B dhe të njëjtës i është caktuar masa e paraburgimit në kohëzgjatje prej 1 (një) muaji.
E pandehura Y.B me datë 26.02.2024 në Prishtinë dyshohet se nga pakujdesia, derisa ishte duke ngasur veturën e saj, kishte vepruar me kundërshtim me rregullat e trafikut rrugor, ashtu që duke mos përshtatur shpejtësinë e automjetit dhe kushteve të rrugës, në mënyrë të pa kontrolluar e godet shtyllën e semaforit dhe nga goditja semafori rrëzohet dhe godet këmbësorin SH.H, me çka tani të ndjerit i kishte shkaktuar lëndime të rënda trupore, ku si pasojë e lëndimeve, tani i ndjeri SH.H kishte ndërruar jetë.
Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.
