Procesi i numërimit të votave të ardhura përmes postës po vazhdon, ndërsa të dhënat më të fundit të Komisionit Qendror të Zgjedhjeve tregojnë se deri tani janë numëruar 14.04 për qind e tyre.
Sipas rezultateve aktuale, Lëvizja Vetëvendosje prin me 1,882 vota, që përbëjnë 63.67 për qind të votave të numëruara deri më tani.
Në vendin e dytë renditet Lidhja Demokratike e Kosovës me 608 vota apo 20.57 për qind, ndërsa Aleanca ka siguruar 278 vota, ose 9.40 për qind.
Ndërkaq, Partia Demokratike e Kosovës pozicionohet e katërta me 130 vota, që përfaqësojnë 4.40 për qind të votave të numëruara nga diaspora përmes postës.
Numërimi i votave me postë pritet të vazhdojë edhe gjatë ditëve në vijim deri në përmbylljen e plotë të procesit.
