Partia më e madhe opozitare në kryeqytet ka adresuar kritika ndaj qeverisjes së Përparim Ramës. Sipas shefit të asamblistëve të VV-së në Prishtinë, Gëzim Sveçla, Komuna e Prishtinës ka dështuar në realizimin e projekteve kapitale. Ndërsa, zëdhënësi i Komunës përmend disa nga projektet e realizuara, derisa thotë se presin që projektet madhore të përfundohen brenda mandatit.
“Projektet kryesore kapitale, ato të cilat kanë vlerë, të cilat kishin me bo ndryshimin nuk kanë filluar fare. Çka ka ndodhë, janë kryer disa punë të drejtorive, punë të përditshme të cilat janë kry edhe gjatë mandateve të kaluara”, deklaroi Gzim Sveçla, shef i asamblistëve të VV-së në Prishtinë
“Suficiti buxhetor i viteve të kaluara prej 50 milionë e dëshmon atë që po e themi që kjo qeverisje ka dështuar. 50 milionë euro me të tepruar, i bije që t’i s’ke punu fare”, tha ai.
Për projektet komunale të qeverisjes së Përparim Ramës brenda këtij mandate, foli edhe njohësi i prokurimit publik, Valmir Ilazi.
E nga komuna thanë se disa nga projektet kryesore kanë nisur. Zëdhënësi, Donat Lushaku, përmendi disa nga ato.
Njëri nga projektet e mëdha të konsideruar nga komuna e Prishtinës është nënkalimi në rrugën Agim Ramadani, por që përmes një vendimi të nxjerrë disa javë më parë nga Instituti i Kosovës për mbrojtjen e monumenteve, i është refuzuar kërkesa e pranuar nga komuna e Prishtinës, për pëlqim rreth projektit të nënkalimit, me arsyetimin se kjo ndikon në ndryshimin e gjendjes urbane të bërthamës së qendrës historike të Prishtinës, ku ka ndikime negative në asetet e trashëgimisë arkeologjike dhe arkitektonike të zhvillimit të qytetit të Prishtinës, që nga parahistoria e deri më tani.
