Presidentja e Kosovës, Vjosa Osmani, ka thënë se Dita Botërore e Autizmit është një mundësi për ta promovuar ndërgjegjësimin për autizmin.
Osmani ka thënë se përmes kësaj dite një mundësi për t’i sfiduar stereotipat dhe stigmat dhe për t`i mbështetur personat me autizëm dhe familjet e tyre.
“Në këtë ditë, ne duhet ta promovojmë mirëkuptimin dhe gjithëpërfshirjen për personat me autizëm, sikurse edhe t`i japim mbështetje perspektivës unike të tyre për botën”, ka thënë Osmani.
Sipas Osmanit, personat me autizëm nuk janë vetëm.
“Të drejtat dhe mirëqenia e personave me autizëm janë objektiv i yni i çdoditshëm. Ata nuk janë vetëm. Në shoqërinë tonë secili duhet të ketë mundësi të barabartë për zhvillim të potencialit, pra edhe për ata që kanë aftësi ndryshe!”, ka thënë tutje presidentja.
