Instituti Hidrometeorologjik i Kosovës ka njoftuar se të shtunën parashikohet të mbajë mot i vranët dhe me intervale me diell, transmeton KosovaPost.
Ndërsa të dielën parashikohet të ketë reshje shiu, ndërsa më vonë pritet që reshjet të kalojnë në bore duke përfshirë edhe shumë pjesë të viseve të ulëta. Megjithëse këto reshje do të jen të përkohshme. Në viset e larta parashihen vetëm reshje bore.
“Kjo situatë meteorologjike do të krijojë kushte për paraqitjen e ngricave në fillim të javës së ardhshme, të cilat mund të kenë ndikim negativ në kulturat e hershme bujqësore, veçanërisht në pemëtari”, thuhet në njoftimin nga IHMK-ja.
