Kryeministri i Republikës së Kosovës, Albin Kurti ka reaguar pas humbjes së Kosovës ndaj Rumanisë, ndërsa kërkon mbështetjen e kombëtares nga të gjithë.
Ndërsa kërkon mbështetjen e të gjithëve, kryeministri Kurti shprehet se “Sfidat tejkakohen më lehtë bashkë”.
Postimi i plotë I kryeministrit Kurti në Facebook:
“Ekipi ynë pati një mbrëmje të vështirë. Nuk ishte fillimi që e dëshiruam, por megjithatë është vetëm fillimi.
I njëjti grup i lojtarëve na kanë ngritur aq shpesh në këmbë duke përjetuar ndjenja gëzimi me golat e tyre. Tani është radha që ne t’i ngrisim ata në këmbë me mbështetjen tonë.
Unë jam i bindur në dëshirën, motivin edhe në aftësitë e tyre. Sfidat tejkalohen më lehtë bashkë.
Forca Kosovë!”
Kujtojmë se Kosova u mposhtë mbrëmë nga Rumania me rezultat 3-0.
