Politikani nga Lugina e Preshevës, Ragmi Mustafi, ka bërë të ditur se sot në Beograd është festuar Dita e Pavarësisë së Kosovës në rezidencën e drejtuesit të Zyrës ndërlidhëse të Republikës së Kosovës në Beograd.
Mustafi, me anë të një statusi në Facebook, bërë të ditur se prezentë ishin përfaqësues politikë nga Lugina dhe nga misionet diplomatike.
“PËR HERË TË PARË KOSOVA SHËNON PAVARËSINË NË BEOGRAD. Me ftesë të ambasadorit, Sh. T. Z. Jetish Jashari, për herë të parë u shënua përvjetori i pavarësisë së Republikës së Kosovës në Beograd, në 15 vjetorin e saj! Përveç përfaqësuesve institucional e politik të Luginës së Preshevës, prezent ishin edhe përfaqësuesit e shoqërisë civile në Beograd, e përfaqësues të misioneve diplomatike ndërkombëtare.”, ka shkruar Mustafi.
Tutje, Mustafi ka thënë se kjo ishte një emocion i veçantë dhe ka urar Kosovën për 15-vjetor.
https://www.facebook.com/1106697706/posts/pfbid02E3pca72jnMxYXra7teNYwrFTcR2Vwk7NGPtWLxJMPmRqBQkjSKBQ9VoueVaiFjUQl/?mibextid=tejx2t
