Presidenti rus Vladimir Putin, po mban konferencë për media bashkë me homologun e tij nga Bjellorusia, Aleksandër Lukashenko.
Gjatë konferencës, Putinit iu bë një pyetje në lidhje me propozimin e Shteteve të Bashkuara të Amerikës për një armëpushim me Ukrainën, shkruan SkyNeës, transmeton Klankosova.tv.
Ai filloi duke falënderuar presidentin Donald Trump.
Presidenti rus thotë se ka pasur “shumë pyetje në lidhje me armëpushimin” dhe shton se ai duhet të flasë së pari me Trumpin.
Më tej ai thotë se “jemi dakord me propozimet për armëpushim, por qëndrimi ynë bazohet në supozimin se armëpushimi do të çonte në paqe afatgjatë, diçka që do të largonte arsyet fillestare të krizës”.
Putini më pas iu referua vizitës së tij në rajonin e Kurskut dje dhe e përshkruan situatën atje si “plotësisht nën kontrollin e Rusisë”.
Në rrethana të tilla, thotë ai, “do të ishte mirë që Ukraina të arrijë një armëpushim 30-ditor”.
Ai gjithashtu thotë se forcat ruse janë tani në ofensivë në të gjitha zonat në front.
