Ermal Sadiku nga Lidhja Demokratike e Kosovës, vlerëson se kryeministri në detyrë i Kosovës, Albin Kurti po tregohet arrogant.
Sadiku e ka cilësuar si arrogant edhe ish-kryeministrin dhe presidentin e Kosovës, Hashim Thaçi.
“Kurti është arrogant sikurse Hashim Thaçi. Kurti i ka humbur 100 mijë vota nga arroganca. Këto gjëra do t’i hakmerren”, ka deklaruar Ermal Sadiku në emisionin “InfoNata” në Tëvë1.
Sadiku potencoi se LDK e ka synuar pozitën e presidentit në negociatat e bëra më Lëvizjen Vetëvendosje.
“As ne as VV nuk i kemi votat për president, pasi duhen 80 vota. As neve as atyre nuk na ka dhënë populli të drejtën që t’i kemi të gjitha pushtetet”, tha Sadiku.
Tutje, ai lëshoi kritika edhe punën e bërë nga qeveritë e drejtuara nga Albin Kurti në vitet e fundit.
“Presidenti nuk e ka ndalur Kurtin që ta ndërtojë një rrugë, ta rregullojë shëndetësinë. Nuk e ka ndalur që të ketë projekte kapitale”, vlerësoi ndër të tjera Ermal Sadiku.
