Këshillat e rëndësishme, si “mos dilni gjatë orëve të nxehta” dhe “pini shumë ujë” nuk mjaftojnë për të përballuar të nxehtin.
Shumë mite dhe legjenda qarkullojnë në ueb për luftën me vapën në shtëpi, në rrugë ose në pushime. Kemi sjellë një përzjerje sugjerimesh konkrete që kërkojnë pak para, shumë metoda dhe pak dinakëri. Nga metodat e vërtetuara shkencërisht, indikacionet, mitet, këshilla dhe truket mësoni si të mposhtni nxehtësinë pa ajër të kondicionuar.
Pëlhura, ngjyra veshjesh dhe aksesorë
Metoda e parë efektive për të luftuar të nxehtin është leximi i etiketave në rrobat tona. Pas një bluze të thjeshtë, kanotiere ose pantallonave tona të preferuara ka shpesh materiale sintetike (shpesh elastike ose plastike) që i rezistojnë të ftohtit. Zgjidhni pëlhura natyrale të lehta dhe mbi të gjitha që nuk ngjiten.
Nuk është thjesht një mit. Studimet shkencore tregojnë se ngjyrat e rrobave kontribuojnë (ose parandalojnë) nxehjen e trupit. Ndër ngjyrat më efektive janë natyralisht e bardha, por edhe e verdha, e kuqja, nuancat e lehta gri dhe vjollcë. Përveç të zezës së dukshme, duhet të shmanget bluja dhe të gjitha nuancat e jeshiles.
Ndër pjesët e trupit që nuk duhet të mbinxehen, sytë janë shumë të rëndësishëm. Nëse gjithmonë kemi menduar se syzet përdoren vetëm “për të parë më mirë” në dritë të ndritshme, në realitet ato shërbejnë edhe për të mbrojtur shikimin tonë nga disa prej simptomave të rraskapitjes që e bëjnë vapën të padurueshme.
Për të luftuar nxehtësinë, përdorni bimë
Pse ndjeni shumë më pak të nxehtë kur jeni në pyll? Bimët nuk janë vetëm thelbësore për ekosistemin e Tokës, por edhe për ekosistemet që ne krijojmë në shtëpitë tona. Bimët, përveçse krijojnë hije, janë pastrues natyralë të ajrit.
NASA ka kohë që studion kontributin që japin bimët në kushte të vështira jetese dhe është treguar se shumë bimë, në mënyra të ndryshme, kontribuojnë në rigjenerimin e ajrit dhe gjithashtu në rritjen e moderuar të lagështisë. Në kushte me hije ato mund të krijojnë një efekt freskues kur janë në kontakt me trupin tonë.
Ndër bimët më të rëndësishme në këtë kuptim janë aloe vera dhe Chamaedorea, palma meksikane e shtëpisë. Është e qartë se rritja e tepërt e lagështisë së një mjedisi mund të krijojë efektin e kundërt, duke e bërë ajrin të padurueshëm, por le të krijojmë ekuilibrin e duhur bazuar në vendin ku jetojmë./A2
