Ukraina po vazhdon me sulmet e saj brenda territorit rus. Sipas ekspertëve, kjo mund edhe ta kthejë luftën në disfavor të Moskës në vazhdimësi, veçmas nëse plotësohen kërkesat e saj nga perëndimi për përdorimin e armëve me rreze të gjata.
Teknologjia dhe financat perëndimore po ndihmojnë Ukrainën të kryejë qindra sulme me rreze të gjata brenda Rusisë. Dronët ekzaminojnë terrenin me anë të Inteligjencës Artificiale pa pilot të përfshirë.
Pavarësisht se aleatët e NATO-s ende po refuzojnë t’i japin Ukrainës lejen për të përdorur municionet e furnizuara nga Perëndimi për ta bërë këtë, kryesisht për shkak të frikës së përshkallëzimit kjo e fundit ka shtuar sulmet e saj brenda Rusisë. Kievi ka lëshuar një sërë dromësh në të njëjtën kohë drejt objektivave strategjikë disa herë në javë.
Objektivat përfshijnë bazat e forcave ajrore, depot e naftës dhe municionit dhe qendrat e komandës. Ish-Inxhinieri i Ushtrisë Australiane, Francisco Serra-Martins ka treguar se kjo strategji veçse ka filluar të krijojë dilema për Moskën. Ai beson se me investime shtesë, do ta kthejë valën e luftës në favor të Ukrainës.
Ekzekutimi i sulmeve me dronë me rreze të gjatë është duke u koordinuar nga agjencitë e inteligjencës të Ukrainës, të cilat po punojnë në fshehtësi. BBC-së i është thënë nga burime të tjera se përveç objektivave ushtarake, dronët ukrainas kanë goditur blloqe banesash duke lënë edhe disa civilë të plagosur.
Ukraina beson qartë se mund të bëjë edhe më shumë me ndihmën e armëve me rreze të gjatë të prodhimit perëndimor. Por aleatët e saj i kanë hedhur poshtë kërkesat e Kievit.
