Sulejman Uglanin, kryetar i partisë SDA në Sanxhak, sot i ka dërguar një letër presidentit serb Aleksandar Vuçiq, në të cilën komenton propozimin evropian (francezo-gjerman) marrëveshjen për Kosovën dhe qëndrimin e boshnjakëve në Serbi, transmeton Kosova Post.
Ne si përfaqësues të boshnjakëve në Serbi, nuk jemi të kënaqur me pozitën dhe trajtimin dhe kërkojmë nga ju që në vazhdimin e dialogut për zbatimin e marrëveshjes të garantoni të drejta të barabarta për boshnjakët në Serbi, sipas modelit që kërkohet për komunitetin serb në Kosovë”, ka thënë Ugljanin, transmeton Kosova Online.
Ai e “këshilloi” presidentin e Serbisë “që ky pozicion mund t’i shërbejë atij në marrjen e një vendimi përfundimtar për propozimin gjermano-francez”.
Ugljanin vuri në dukje se pasojat me të cilat Serbia mund të përballet nëse e refuzon këtë marrëveshje “do të jetë e madhe për boshnjakët dhe do të sjellë me vete pasiguri dhe paqëndrueshmëri.”
Përveç Vuçiqit, Ugljanin ia drejtoi letrën Përfaqësuesit të Lartë të BE-së për Politikë të Jashtme dhe Sigurisë Giuseppe Borej, të dërguarit të BE-së për dialogun Miroslav Lajçak dhe të dërguarit special të SHBA-së për Ballkanin Perëndimor Gabriel Escobar.
Të shtunën në Prishtinë, Ugljanin së bashku me deputetët Shaip Kamberi, Enis Imamoviq dhe Selma Kuçeviq kanë biseduar me kryeministrin e Kosovës, Albin Kurti, për statusin e boshnjakëve dhe shqiptarëve në Serbi.
