Ish-raportuesja e Parlamentit Evropian për Kosovën, Viola Von Crammon, nuk po do që litiumi i Serbisë të shkojë në favor të pushtetit të presidentit serb, Alleksandar Vuçiq.
Në një reagim të saj në platformën X, duke komentuar vizitën e kancelarit gjerman Olaf Scholz në Beograd, tha se BE-ja vërtet ka nevojë për litium, por jo në këtë formë.
“Se BE-ja ka nevojë për litium dhe të kalojë në e-mobilitet, është e padiskutueshme. Unë do të kisha preferuar zgjidhje të tjera se sa këtë fitim në pushtet për Aleksandar Vuçiqin”.
“Sundimi i ligjit dhe demokracia janë fjalë të huaja për Vuçiqin. Media pothuajse tërësisht nën kontrollin e tij”, është shprehur ajo në këtë reagim.
