Kryeministri serb Millosh Vuçeviq ka thënë se Serbia nuk duhet të pranojë që agresioni që ndodhi në Banjskë më 24 shtator të vitit 2023 të përcaktohet, sipas tij, nga forma si e sheh Kosova.
Vuçeviq tha se Banjska nuk duhej të ndodhte, por Serbia nuk duhet të pranojë “narrativën se Banjska përcaktohet nga mënyra se si e sheh Kosova atë ngjarje”.
Ai shtoi se Banjska nuk ndodhi vetvetiu, por ishte një reagim ndaj siç pretendon ai “një sërë lëvizjesh të qeverisë së Kosovës, nga arrestimet deri te plagosja dhe rrahja e serbëve”.
“Nuk ishte koha kur në Kosovë lulëzonin demokracia dhe të drejtat e njeriut dhe të pakicave, kështu që dikush përtaci dhe bëri atë që ndodhi në Banjskë”, tha Vuçeviq, transmeton Klankosova.tv.
Ai shtoi se autoritetet kosovare “nuk lejojnë që familjet e serbëve të vrarë në Banjkë të shënojnë vendin ku janë vrarë”.
