Presidenti i Serbisë, Aleksandar Vuçiq është takuar sot në Beograd me ambasadorin e Federatës Ruse në Serbi, Aleksandar Bocan-Harçenko, raporton Anadolu, transmeton KosovaPost.
Në takim mori pjesë edhe ministri i Punëve të Jashtme të Serbisë, Ivica Daçiq.
Vuçiq ka bërë të ditur në rrjetet sociale se ka zhvilluar një bisedë të rëndësishme me ambasadorin e Federatës Ruse.
“Mirënjohës që dëgjoi lutjet dhe kërkesat e palës serbe. E njoftova Bocan-Harçenkon se në Kosovë po bëhet spastrim etnik brutal i organizuar nga Albin Kurti me mbështetjen e një pjese të bashkësisë ndërkombëtare”, ka shkruar Vuçiq.
