Pas mbylljes së votimeve në Luginën e Preshevës, i ftuar këtë të hënë në Euronews gazetari Dashnim Hebibi flet mbi zgjedhjet dhe ndikim e shqiptarëve në to.
Sipas tij nuk ju dha shumë hapësirë votës së diasporës shqiptare, si dhe Shqipëria dhe Kosova duhet ta mbështesin më shumë Luginën e Preshevës.
“Në këto zgjedhje nuk i është dhënë shumë hapësirë votës së diasporës shqiptare, nuk e di për shkak se Presheva dhe Bujanoac i tërheq atdheu i të parëve dhe e vetmja mënyrë që ngr zhvillimin e ekonomik atje vjen prej mërgatës shqiptare. Diaspora shqiptare ishte dhe do të mbetet arterja kryesore e të mbarëve dhe zhvillimit jo vetëm në Shqipëri Kosovë por dhe në Luginën e Preshevës. Ne jemi faktor siç e dini sepse kishim dhe kryeministrin shqiptare në Maqedoninë e Veriut por në Preshevë është një situatë komplet tjetër unë mendoj se do të duhet një tërheqje më e madhe e Shqipërisë dhe Kosovës di dhe shqiptarëve amerikanë që të kontribuojnë më shumë për zgjidhjen imediate në Luginën e Preshevës” tha ai.
Hebibi gjithashtu nuk la pa përmendur se shqiptarët e Preshevës gjithmonë i kanë mbrojtur dhe do i mbrojnë traditat shqiptare.
“Shqiptarët e Luginës së Preshevës gjithmonë sytë i kemi pasur nga Kosova dhe Shqipëria. Ne frymojmë me Shqipërinë dhe Kosovën dhe sa më shumë të ketë Kosovë dhe Shqipëri në Luginën e Preshevës aq më shumë do t’i mbrojmë ato shtylla të kombëtarizmit dhe traditat tona kombëtare në Preshevë” tha Hebibi.
