Ambasadori i Türkiye-s në Kosovë, Tunç Angılı, ka uruar Kosovën me rastin e 15 vjetorit të pavarësisë. “Mbështetja e Kosovës gjatë fatkeqësisë së tërmetit në Türkiye dëshmoi edhe një herë se sa të forta janë lidhjet tona” tha Ambasadori i Türkiye-s në Prishtinë Angılı, njofton Kosova Post.
Ja postimi i tij i plotë;
Në 15 vjetorin e pavarësisë së Republikës së Kosovës, në emrin tim, të kolegëve të mi dhe të gjithë përfaqësuesve të institucioneve tona që veprojnë në Kosovë, ju uroj Ditën e Pavarësisë miqve tanë kosovarë.
Ne jemi duke punuar për avancimin e marrëdhënieve tona, të cilat janë forcuar nga lidhjet historike të miqësisë dhe vëllazërisë ndërmjet Kosovës dhe Türkiye në çdo fushë. Mbështetja e Kosovës gjatë fatkeqësisë së tërmetit në Türkiye dëshmoi edhe një herë se sa të forta janë lidhjet tona.
Do të vazhdojmë gjithnjë e më shumë të mbështesim përpjekjet e Kosovës për zhvillimin e saj ekonomik dhe të zë vendin e merituar në bashkësinë ndërkombëtare.
Gëzuar të gjithë popullit të Kosovës 17 Shkurtin Ditën e Pavarësisë!/KosovaPost/.
