Studiuesit zbuluan se një lloj bakteri që jeton në plastikë në ujërat e zeza e tret dhe e zbërthen plastikën, transmeton Anadolu.
Në hulumtimin e publikuar në faqen e internetit të Universitetit “Northwestern” është shqyrtuar efekti i një bakteri nga familja “Comamonadacae” në mbetjet plastike.
Në hulumtim u pa se këto baktere të quajtura “Comamonas testosteroni” që rriteshin në plastikë të llojit polietileni tereftalat (PET) fillimisht zbërthenin mbetjet plastike në madhësi nano plastike dhe më pas nanoplastika u bë më e vogël me një enzimë të veçantë që sekretonin.
Hulumtimi zbuloi se plastika e thyer në ciklin tretës të baktereve u reduktua në atome karboni dhe u zbulua se plastika e thyer ishte ushqim për këto baktere.
Autorja kryesore e hulumtimit, Ludmilla Aristilde tha se është demonstruar në mënyrë sistematike për herë të parë se një bakter i ujërave të zeza mund të degradohet, shpërbëhet dhe përdor makroplastikën si burim karboni dhe se është zbuluar një enzimë që prish plastikën.
Ajo theksoi se plastika e tipit PET përbën afërsisht 50 për qind të mikroplastikës që gjendet në ujërat e zeza në botë dhe 12 për qind të përdorimit të përgjithshëm të plastikës. “Zbulimi i këtij bakteri dhe enzime mund të përdoret për pastrimin e mbetjeve plastike dhe trajtimin e problemit të ndotjes së mjedisit”, tha Aristilde.
Hulumtimi është publikuar në revistën “Environmental Science & Technology”.
