Presidenti i Shteteve të Bashkuara, Joe Biden, njoftoi për një paketë të re me ndihmë ushtarake për Kievin, në prag të Ditës së Pavarësisë së Ukrainës. Paketa e re përfshin raketa kundërajrore, pajisjet për t’i luftuar dronët, raketa antitanke dhe municion.
Në një komunikatë për media nga Shtëpia e Bardhë , thuhet se Biden poashtu ka njoftuar se ka biseduar në telefon me presidentin e Ukrainës, Volodymyr Zelensky, për t’ia ritheksuar atij mbështetjen e palëkundur të SHBA-së për popullin ukrainas.
Ndihma e re është vazhdimësi e një sërë hapash historikë që ne i kemi ndërmarrë me aleatët dhe partnerët tanë në muajt e fundit për ta mbështetur Ukrainën, ka thënë Biden.
