Banorët në Sfeçël të Podujevës mbetën pa ujë për shtatë ditë rradhazi, kjo pas një bllokimi të filtrave nga zalli. Derisa këta të fundit thonë se zgjidhjen u munduan ta gjejnë vet për këtë problem, theksojnë se nuk pati interesim nga pushteti lokal e as KRU “PRISHTINA”deri pas shtatë ditësh.
Pas shtatë ditësh uji po pikon në Sfeçël të Podujevës.
Banorët e këtij fshati për një javë nuk patën furnizim me ujë, e vështirësi hasën në të gjitha aspektet.
E njëri nga banorët e këtij fshati tregon se si bëri zgjidhje, meqë biznesi te cilin e posedon vështirë të kryejë punë pa ujë.
“Qe 7 ditë jemi pa ujë, u desht me marrë hidroforin me ngjit ekstra se e kam biznesin dhe më duhet uji tërë kohën, u desht me bë zgjidhje”, thotë banori i fshatit Sfeçël, Melos Topanica.
Ndërkohë banori Hasan Ajeti, teksa tregon për vështirësitë e këtyre ditëve, thotë se lidhur me problemin nuk pati interesim as nga niveli qendror e as nga ai lokal deri më sot.
Derisa thekson se uji nga këta të fundit po shihet si lluks.
‘Sot kanë fillu me ardhë… po deri sot as niveli qendror e ai lokal nuk janë marrë me këtë sepse pushteti lokal e ka harru e ka bë këtë shkëputjen me telashe të cialt i kanë qytetarët, uji nuk duhet të lëxohët si lluks, gjykoj që ky pushtet po e gjykon si lluks”, thotë banori tjetër, Hasan Ajeti.
Ndërkohë sipas zëdhënëses së Kompanisë Rajonale të Ujësjellësit “Prishtina”, Arjeta Mjekut ishin filtrate që u bllokuan nga zalli, të cilët i lanë banorët e këtij fshati pa ujë.
“Ne kemi marrë informacion qe nuk ka ujë në Sveçël që disa ditë. Kemi inspektuar dhe detektuar në detaje rrjetin me ç’rast kemi hasë në bllokim të filtrave nga zalli. Sot 2 ekipe kanë riparuar gjithçka”, deklaroi ajo.
Sipas saj, dy ekipe gjatë së shtunës punuan në Sfeçël të Podujevës, e që riparuan gjithçka duke bërë kështu që të ketë furnizim me ujë.
